热刺重赛等「修」礼

时间:2020-02-04 17:14:40


前锋孙兴民今仗将肩负起带领热刺晋级的重责。

  究竟摩连奴带领嘅热刺今季会唔会食白果,喺周四凌晨就可以率先揭晓部分答桉,届时热刺将会坐镇主场与修咸顿上演英格兰足总杯第四圈重赛戏码。

  相信心水清嘅球迷都知道今季英超冠军争夺已经无悬念,而热刺如今嘅整体实力亦好难令人相信佢哋可以喺欧冠淘汰赛中走到最后。加上今届英联杯中亦喺第三圈就爆冷被高车士打淘汰出局,因此可以讲,足总杯已经成为热刺今季最后一条救命稻草。

  从热刺喺1月尾双方首次较量时嘅排兵可以睇出,摩连奴绝对深知足总杯冠军如今嘅重要性,包括孙兴民、卢施素、迪利艾里和戴云逊山齐士等三条线大将倾巢而出,而且新援谢臣费南迪斯亦获得火线登场嘅机会。种种都反映出热刺对于足总杯嘅重视。虽然最终被修咸顿喺完场前迫和导致需要重赛。但此番回到主场嘅热刺又岂会让晋级机会在家门口中错过?

  其实足总杯进行重赛对于修咸顿而言绝不陌生,因为喺上届足总杯第三圈当中,佢哋正正就系在重赛中不敌打比郡,可以话系「有晒经验。」

相关消息
圣日门望擒南特
法兰克福无惧RB莱比锡
摩纳哥静候昂热
华伦西亚食硬格兰纳达
返回顶部
友情链接 | 意见反馈
Copyright (c) 2003-NOW! 体球网 Spbo.com
粤ICP备17109865号-1